-
Bild 1 von 4. Tgi sa sche quest pignol sa tschenta en ina stiva en Surses? Bildquelle: RTR, Gian Carlo Candinas.
-
Bild 2 von 4. Cura ch'il lavurer forestal ha chattà in bel pignol vegn quel resgià. Bildquelle: RTR, Gian Carlo Candinas.
-
Bild 3 von 4. Il tagl per resgiar in pignol da Nadal vul esser bain preparà. Bildquelle: RTR, Gian Carlo Candinas.
-
Bild 4 von 4. Uss è il pignol prest pront per beneventar ses nov possessur. Bildquelle: RTR, Gian Carlo Candinas.
Bun 1,2 milliuns pignols da Nadal natirals chattan mintg’onn la via en las stivas svizras. La gronda part da quest pignols, numnadamain 60%, vegnan importads da l’exteriur. Els arrivan da pajais sco il Danemarc, la Svezia u la Germania. Quels pignols pon ins lura cumprar en las stizuns.
Persunas che van anc sezzas en il guaud a la tschertga dal pignol adattà, èn pli e pli stgarsas. Ils lavurers da l’uffizi forestal da la vischnanca da Surses han dentant anc la l'incumbensa d'ir en il guaud per pignols.
Pignols pigns u pignols gronds. Ils giavischs dals convischins da la vischnanca da Surses èn differents. Ils lavurers emprovan natiralmain d’ademplir ils giavischs e da chattar per mintgin il pignol da Nadal adattà.
Bun 75 pignols or dal guaud en Surses
Per ils emprims pignols è l’uffizi forestal gia stà l’entschatta dal mais december. Fin oz hajan els resgià bun 75 tocs, di Pascal Murbach, manader da l’uffizi forestal da Surses.
Quai è dentant mo bun in terz da tut ils pignols che vegnan era empustads. Bleras persunas veglian numnadamain il pign da Nordmann. Quests pignols na datti betg en ils guauds indigens, perquai cumpra la vischnanca da Surses quests pignols e venda alura els als abitants.
Chattà en l'archiv…
RR actualitad 08:00