Legenda:
Actualmain èsi memia privlus da bandunar Brinzauls sur la via usitada - adina pusè è da sentir crappa che croda.
RTR, F. Belotti
cuntegn
Grischun Central - Crap da 3 meters cubics è crudà sin via a Brinzauls
La via tranter Brinzauls e Lantsch è il mument serrada pervi dal privel da crudada da crappa. Sco quai ch’il pledader da l’Uffizi chantunal da construcziun bassa Elia Lardi ha ditg, saja vegnì giu crappa en il rempar dasper via ed in crap da trais meters cubic saja sa fermà sin via.
Legenda:
Adina puspè sa ferma crappa sin e dasperas via a Brinzauls.
RTR, F. Belotti
En il meglier cas pudess la via tranter Brinzauls e Lantsch puspè avrir damaun mardi saira enturn las quatter. Tenor Elia Lardi saja dentant da quintar che la via pudess restar serrada anc pli ditg. I vegnia era examinà, sch’il rempar existent stoppia vegnir engrondì.
In sviament è signalisà
Grazia ad in sviament sur ina via laterala èsi pussaivel da cuntanscher e da bandunar Brinzauls. Dapi onns è la via tranter Lantsch e Brinzauls adina puspè serrada pervi da crudada da crappa. Indrizs tecnics mesiran permanentamain ils moviments da la muntogna sur Brinzauls.
