Legenda:
Il manischunz è vegnì serrà en en la cabina e mort anc en il lieu.
pocha
cuntegn
Grischun Central - Englais da 48 onns mora
Tar in accident individual sin la via dal Güglia è sa disgrazià in um da 48 onns da l'Engalterra. Ses camiun cun char annex è glischnà e lura cupitgà, l'um è vegnì encugnà en ses vehichel e mort anc en il lieu. Quai communitgescha la polizia chantunala.
L'accident è capità la mesemna saira vers las 17:30. L'um charrava da Cunter en direcziun Casti. sin la via da sviament curt avant Casti, en ina curva, è il camiun glischnà e rut tras ina saiv directiva. Il vehichel è lura arrivà sin l'auter maun ed è cupitgà. Il manischunz è vegnì serrà en. El è mort anc en il lieu da l'accident.
Il vehichel è donnegià dal tut, la carga è vegnida sdarmenada sin in prà dasper. Confamigliars dal disgrazià èn charrads davos il camiun. Els èn vegnids tgirads psicologicamain dal Care Team Grischun.
