-
Bild 1 von 14. A Peter Kuhn (sanester) e Richi Item èsi d'engraziar, che la miniera è puspè accessibla. Bildquelle: RTR, Federico Belotti.
-
Bild 2 von 14. L'entrada da la miniera. Davos la muntogna vai vers Arosa. Bildquelle: RTR, Federico Belotti.
-
Bild 3 von 14. Enfin trais helicopters èn stads en acziun per sgular ils visitaders sin la muntogna. Bildquelle: RTR, Federico Belotti.
-
Bild 4 von 14. Tavla commemorativa tar l'entrada da la miniera. Bildquelle: RTR, Federico Belotti.
-
Bild 5 von 14. La crappa gudagnada or da la miniera vegniva elavurada en la miniera Bellaluna a Filisur. Bildquelle: RTR, Federico Belotti.
-
Bild 6 von 14. Anc mai han tantas persunas sco la sonda ils 14.10.2017 visità la miniera. Bildquelle: RTR, Federico Belotti.
-
Bild 7 von 14. Questa plattafurma da lavurar per ils miniers è anc originala e deriva dals onns 1850. Bildquelle: RTR, Federico Belotti.
-
Bild 8 von 14. La miniera è accessibla sur differentas auzadas. Bildquelle: RTR, Federico Belotti.
-
Bild 9 von 14. Questa pitga han ils miniers da pli baud laschà per la stabilitad da la chaverna. Bildquelle: RTR, Federico Belotti.
-
Bild 10 von 14. Qua è da vesair ina fora da glisch e l'urna da Richart Item ch'ha rescuvert la miniera Blyberg. Bildquelle: RTR, Federico Belotti.
-
Bild 11 von 14. La plazza da festa cun vista vers il massiv dal Bernina ed il Piz Ela, Corn da Tinizong ed il Piz Mitgel. Bildquelle: RTR, Federico Belotti.
-
Bild 12 von 14. Era quest asen è vegnì a la festa. Bildquelle: RTR, Federico Belotti.
-
Bild 13 von 14. Tgi che guarda bain vesa ina persuna che chamina. Bildquelle: RTR, Federico Belotti.
-
Bild 14 von 14. La miniera Blyberg è ina da las pli autas da la Svizra. Bildquelle: RTR, Federico Belotti.
Bain era quai enconuschent, ch’i deva ina miniera en il conturn da la muntogna Tiaun, che vegniva duvrada tranter ils onns 1450 – 1848. Nagin na saveva però pli nua che l’entrada è – diversas emprovas da chattar l’entrada avevan fatg naufragi. Pir l’emprim d’october 1967 è la miniera Blyberg puspè vegnida rescuverta, da Richard Item (barmier). Richi Item jun. è era stà preschent, cura che ses bab aveva rescuvert la miniera. Dapi sia uffanza s’occuppa el cun la miniera. Bleras uras da lavur han el e ses gidanters gia passentà en la miniera, per far accessibel quella.
Miniera averta
Per l’emprima giada dapi che la miniera è vegnida rescuverta, hai dà in grond «di da las portas avertas», quai a la festa da giubileum da 50 onns suenter sia rescuverta. Radund 170 visitadras e visitaders han pudì visitar la miniera, ch’è accessibla sin differentas auzadas. Cun sgols da la Heli Bernina èn ils visitaders vegnids sgulads en radund quatter minutas da Ferrera fin tar la miniera, nua ch’igl ha dà ina plazza da festa cun gril e musica.
Link
RR actualitad 07:00