Siglir tar il cuntegn

Grischun Central Festival da cultura Origen preschenta il nov program da stad

«Malancuneia» il pled surmiran per laschar encrescher è il tema dal program da stad dad Origen. Laschar encrescher saja ina «malsogna» bain enconuschenta tar ils Grischuns e las Grischunas e haja purtà bler al chantun Grischun, quai di l'intendant Giovanni Netzer.

Cun trais teaters musicals, tschintg sairas cun saut, ina cumedia, trais exposiziuns, ina ediziun dad in cudesch, trais workshops ed chant tradiziunal gregorian preschenta il Origen il pli vast program da stad dapi la fundaziun dal festival cultural.

Quest program da stad és era il pli liung fin ussa. Davent dals 10 da zercladur fin ils 7 d' avust pon ins guardar producziuns sut il tema «laschar encrescher».

Ina rolla prominenta en il program da stad gioga la famiglia Carisch da Riom, ch'è emigrada a Paris e gì là grond success finanzial. Ina part da la famiglia è turnada enavos a Riom. Tenor Giovanni Netzer saja la famiglia Carisch in bun exempel che il laschar encrescher porta bler savida e bainstanza a la patria.

Intgins programs dal festival cultural Origen dals ultims onns:

Las operas da Origen dal 2012 fin il 2014

Artitgels legids il pli savens