Grischun Central - Festival da teater Tusaun festivescha giubileum
Dals 1 - 3 da zercladur 2018 ha lieu a Tusaun il dieschavel Festival da teater Grischun per amaturs. 20 gruppas èn s’annunziadas, tranter quella s quatter rumantschas ed ina taliana.
1 / 3
Legenda:
Da san: Riccarda Sulser, secretaria dal festival; Lina Frei-Baselgia, presidenta comité d’organisaziun e Gion Pfister il schef finanzas.
RTR, Federico Belotti
2 / 3
Legenda:
Ils scolars da Tusaun da la 5 e 6avla classa durant l'exercitar il toc «Dia Schwarza Brüader».
RTR; Federico Belotti
3 / 3
Legenda:
La 5 e 6avla classa da Tusaun chanta «I spazzacamini».
RTR, Federico Belotti
Venderdi damaun ha l’organisatura dal festival da teater preschentà a las medias lur program: «Jau hai plaschair, ch’il noss program da quest onn è uschè multifar, triling e cumpiglia tut las generaziuns», ha ditg Lina Frei-Baselgia, la presidenta dal comité d’organisaziun da l’Uniun grischuna per il teater popular.
Il festival da teater datti dapi l’onn 1989. El vegn manà tras regularmain, normalmain a Tusaun. Mo ils onns 2001 è il festival stà a Cuira e l’onn 2004 a Haldenstein. L’intent dal festival è d'unir las differentas gruppas da teater ad in lieu. El duai era far punts tranter ils amaturs da teater, ils professiunals, uffants, giuvenils, scolas e persunas cun in impediment.