-
Bild 1 von 9. In talmain grond fieu han paucs dals uffants gia vesì. Bildquelle: RTR, Federico Belotti.
-
Bild 2 von 9. Il uffants emprendan tge ch'ina cuverta-stizzafieu è e co ir enturn cun ella per stizzar endretg in fieu. Bildquelle: RTR, Federico Belotti.
-
Bild 3 von 9. Er davart ils vehichels dals pumpiers ed il local vegn infurmà. Bildquelle: RTR, Federico Belotti.
-
Bild 4 von 9. Ils scolars èn interessads da tadlar e suenter er da pudair agir sezs. Bildquelle: RTR, Federico Belotti.
-
Bild 5 von 9. Avant ch'i va vid la liongia sto la teoria esser clera. Bildquelle: RTR, Federico Belotti.
-
Bild 6 von 9. Qua emprovan ils uffants sezs da chattar ora co franar il meglier l'aua. Bildquelle: RTR, Federico Belotti.
-
Bild 7 von 9. I vegn lavurà cun aissas e satgs da sablun. Bildquelle: RTR, Federico Belotti.
-
Bild 8 von 9. Betg be franar l'aua è senn da la chaussa mabain nua manar ella sco proxim. Bildquelle: RTR, Federico Belotti.
-
Bild 9 von 9. Impressiuns dal di tematic «Fieu ed aua». Bildquelle: RTR, Federico Belotti.
Dapli che la mesadad da las scolas grischunas da la tschintg- e sisavla classa han visità l'onn 2018 in dals dis tematics. Ils scolars han mintgamai visità quatter posts da lavur.
Post da lavur 1 «Fieu»
Per pudair sa depurtar correctamain en cas d'incendis vegni mussà en il stabiliment d'exercizi cun visitas guidadas captivantas e cun exercizis pratics, co ch'incendis naschan e co ch'els pon vegnir evitads. En il center stat en quest connex: Co impedesch jau incendis?
Post da lavur 2 «Aua»
L'aua po daventar in privel. Nua po ella penetrar en edifizis durant malauras, co pon vegnir alarmads ils pumpiers? En il center stattan en quest connex exercizis pratics sco:
- dar alarm
- co protegel jau nossa chasa
- salvament d'animals
Post da lavur 3 «Pumpiers»
Las scolaras ed ils scolars appartegnan a gruppas da pumpiers che ston d'ina vart salvar sut circumstanzas difficilas in animal serrà en e da l'autra vart stizzar in incendi da cultira. En quest connex emprendan ellas ed els dad agir a moda correcta sut il titel: Mo ensemen essan nus ferms!
Post da lavur 4 «Il torrent Anugl»
Sche auas grondas e glitta sa derschan tras territoris abitads, sco l'onn 2005 a Claustra u l’onn 2017 a Bondo, sche stabiliments ed infrastructuras vegnan destruids, fan mesiras da defensiun spontanas pauc effect. Segirar la vita dals umans e valurs materialas pli grondas ha l'emprima prioritad tar las mesiras immediatas. A las scolaras ed als scolars vegn mussà vi dal torrent Anugl da sa depurtar correctamain en cas d'auas grondas. La conscienza dal privel e dals eveniments pussaivels augmentan la segirezza da las persunas.
RR actualitad 12:00