Sco quai che Claudio Stgier, il patrun da la furnaria «Stgier» ha ditg sin dumonda da RTR, rendian las butias a Lai ed a Savognin adina pli pauc. Quai perquai che la stagiun bassa daventia adina pli curta, e perquai ch'i dettia main clients surtut da la branscha da bajegiar.
Uschia reducescha Stgier era il persunal. Da las actualmain 18 plazzas restan a partir da primavaira anc 15 plazzas da lavur cumplainas tar la furnaria. I na dat però naginas relaschadas: Ina emploiada giaja en pensiun, e las autras emploiadas possian lavurar enavant en in dals auters lieus.
Surdar furnaria en auters mauns
Plinavant è Claudio Stgier (52) a la tschertga d'ina successiun. El na veglia en mintga cas betg lavurar sur la vegliadetgna da pensiun ora. Anc na saja nagut decidì. I dettia però ideas per surdar ses manaschi en auters mauns.
-
Bild 1 von 5. Anc è la butia a Lai averta. Bildquelle: RTR, Federico Belotti.
-
Bild 2 von 5. La filiala a Lai serra la primavaira. Bildquelle: RTR, Federico Belotti.
-
Bild 3 von 5. Ils megliers onns da la butia a Savognin èn passads. Bildquelle: RTR, Federico Belotti.
-
Bild 4 von 5. A Casti en Val d'Alvra è la sedia principala da la furnaria Stgier. Bildquelle: RTR, Federico Belotti.
-
Bild 5 von 5. Claudio Stgier deplorescha ch'el sto serrar duas filialas. Bildquelle: RTR, Federico Belotti.
RR actualitad 06:00