Grischun Central - La festa da «Goa» è puspè a Rona
Mesemna ha cumenzà la novavla ediziun dal festival da musica electronica a Rona e Mulegns. Quest onn speran ils organisaturs dal «Summer Never Ends Festival» che dapli che 10'000 persunas visitan il festival, che n'è il mument betg anc vendì ora.
1 / 8
Legenda:
La colonna davant l'entrada a Rona è lunga.
RTR, Federico Belotti
2 / 8
Legenda:
Las emprimdas saltunzas ed ils emprims saltunz èn arrivads.
RTR, Federico Belotti
3 / 8
Legenda:
Al festival ins po era emprender ad elavurar vaider.
RTR, Federico Belotti
4 / 8
Legenda:
Questa ballabaina è ina da las novaziuns dal festival.
RTR, Federico Belotti
5 / 8
Legenda:
Qua vegnan fatgas las davosas preparativas.
RTR, Federico Belotti
6 / 8
Legenda:
Davent da questa tribuna han ils aspectaturs ina bella survista sin l'areal da festa.
RTR, Federico Belotti
7 / 8
Legenda:
Corinne Rageth, la presidenta da l'uniun Klangwerk.
RTR, Federico Belotti
8 / 8
Legenda:
Il festival ha cumenzà.
RTR, Federico Belotti
audio
Mezdi: Il festival da goa a Rona ha entschet
02:37 min, ord Actualitad dals 20.07.2017.
laschar ir. Durada: 2 minutas 37 Secundas.
L’emprim festival cun musica sin la planira da Rona è stà il 2006, il dumber da visitaders è s’augmentà cuntinuadamain. Tar la davosa ediziun dal 2015 hai gì 8’000 ch’han visità il festival, tge ch'è stà in pau sut las spetgas, uschia ch’i n’era l’entschatta betg cler, sch’il festival po puspè vegnir repetì.
Turnus da dus onns
Il festival ha lieu mintga dus onns. Ch'el è betg mintg'onn haja da far cun la gronda lavur organisatorica e per schanegiar il terren, ha ditg Corinne Rageth, la presidenta da l'uniun Klangwerk ch'organisescha il festival. En tut occupa il Summer Never Ends Festival ina surfatscha da prest 30 hectaras ch'èn en possess da 15 differents purs. Per il festival lavuran radund 600 persunas, blers da quels èn voluntaris e musicists.
