Il premi survegnan persunas u organisaziuns, ch'èn s’engaschadas da maniera extraordinaria per il svilup da l’agricultura biologica en Grischun.
L'onn 2016 in premi da 2'016 francs
Il premi è dotà mintg'onn cun la cifra da l’onn, quest onn èn quai damai 2016 francs.Cun ils daners veglia Marcel Heinrich organisar ina festa per tut ses gidanters sin il bain da tartuffels.
Sper 34 sorts differentas da tartuffels venda il bain “Las Sorts” era charn, latg, ovs ed auters products biologics.
Ulteriurs nominads per il premi Bio-Grischun da quest onn eran Erwin Vincenz cun ses engaschi per la medischina omeopatica, e las butias dal bain puril dal Plantahof pervia da lur sortiment da products biologics.