Grischun Central - Lavurs per nov’ovra idraulica a Tinizong èn sin buna via
Per 26 milliuns francs construescha la Ragn d’Err SA a Tinizong in’ovra idraulica, che tschiffa l’aua dal Ragn d’Err e dal Ragn da Colm . En las duas centralas Colm a Pensa ed en la centrala Mulegn a Tinizong, vegn producì electric per radund 5’000 chasadas.
1 / 8
Legenda:
Quest onn vegnan anc installadas las turbinas en la centrala Mulegn a Tinizong.
RTR, F. Belotti
2 / 8
Legenda:
Qua vegn turbinada l'aua dal ragn Colm a partir dal matg 2016.
RTR, F. Belotti
3 / 8
Legenda:
Qua vegn construida la centrala Colm a Pensa.
RTR, F. Belotti
4 / 8
Legenda:
Proximamain vegnian las lingias d'aua installadas.
RTR, F. Belotti
5 / 8
Legenda:
Anc n'èn betg tut las lingias d'aua installadas.
RTR, F. Belotti
6 / 8
Legenda:
Vista da la via dal Gelgia en direcziun Pensa.
RTR, F. Belotti
7 / 8
Legenda:
L'aua passa sut la via chantunala dal Gelgia.
RTR, F. Belotti
8 / 8
Legenda:
L'electric producì va en la rait electrica da las Ovras electricas da Turitg EWZ.
RTR, F. Belotti
Legenda:
Mario Dosch, il chanzlist da Tinizong-Rona (sanerster) e Thomas Richli, mainafatschenta Ragn d'Err SA.
RTR, F. Belotti
Sco quai che Thomas Richli, il manader da project da las Ovras electricas da Berna BKW ha ditg, saja enfin ussa tut ì tenor plan: «Da las lingias da pressiun avain nus gia tschentà bun 90%, ed a Tinizong è gia vegnida construida la centrala, nua ch’i vegnian anc quest onn installadas las turbinas». Il pli grond plazzal sa chatta a Tgant Pensa, questas lavurs cuzzian anc enfin la fin d’october, ha ditg Thomas Richli.
Fin 400'000 francs entradas
audio
Saira: Ovra idraulica Tinizong (Ragn d'Err)
02:54 min, ord Actualitad dals 22.06.2015.
laschar ir. Durada: 2 minutas 54 Secundas.
En funcziun duai l’ovra electrica ir il matg 2016. La vischnanca da Tinizong-Rona (a partir dal schaner 2016 la vischnanca fusiunada Surses) sa participescha cun 20% (1.2 milliuns francs) vi dal chapital d’aczias. Tenor il chanzlist e commember dal cussegl d'administrazin da la Ragn d'Err SA Mario Dosch saja da quintar cun entradas da 200’000 – 400’000 francs entradas ad onn. La Ragn d’Err SA cun sedia a Tinizong, consista da las Ovras electricas da Berna BKW, e la vischnanca da Tinizong-Rona.
