-
Bild 1 von 9. Ser Paul Schlienger dasper il nov reservuar, ch'ha custà circa 33'000 francs. Bildquelle: RTR, Federico Belotti.
-
Bild 2 von 9. Anc è il segund reservuar quasi vid. Bildquelle: RTR, Federico Belotti.
-
Bild 3 von 9. Ils dus reservuars èn colliads l'in cun l'auter. Bildquelle: RTR, Federico Belotti.
-
Bild 4 von 9. A Ziteil manca l'aua e quai betg mo pervi da questa stad sitga. Bildquelle: RTR, Federico Belotti.
-
Bild 5 von 9. La baselgia da Ziteil è vegnida construida da nov l'onn 1959, ina chaplutta devi gia l'onn 1580. Bildquelle: RTR, Federico Belotti.
-
Bild 6 von 9. En il bajetg annex da la baselgia datti in dormitori. Bildquelle: RTR, Federico Belotti.
-
Bild 7 von 9. En la baselgia da Ziteil sin 2429 meters sur mar. Bildquelle: RTR, Federico Belotti.
-
Bild 8 von 9. Vista or da la baselgia da Ziteil en direcziun dal Piz Forbesch. Bildquelle: RTR, Federico Belotti.
-
Bild 9 von 9. Tenor ina legenda duai esser cumparida Nossadunna a Ziteil. Qua in maletg ch'è da vesair en la baselgia. Bildquelle: RTR, Federico Belotti.
L’onn 1977 è il dormitori dasperas la baselgia da Ziteil vegnì engrondì ed il bajetg auzà per in’auzada. Las frequenzas dals pelegrins èn quels onns creschids adina pli fitg. E qua tras era il basegns dad aua. Per avair ina tschertga segirtad ed ina cuntinuitad ins ha fatg là trais tschiffadas da la funtauna e sut in reservuar cun in cuntegn da 10 cubics. Quai ha meglierà la situaziun, perquai che avant devi mo aua da l’aual.
Nov reservuar s'emplenescha betg sco giavischà
Damai che la situaziun da l’aua vegniva adina mendra ils davos onns, han ins stuì reagir. Il fanadur passà è vegnì construì in segund reservuar cun in ulteriur cuntegn da 10 cubics. Quai vul dir: Durant l’emna, cura ch’igl ha pauca glieud a Ziteil, po quel s’emplenir cun aua. Pudess: Sco quai ch’il plevon da Ziteil, Paul Schlinger, ch’è responsabel l’infrastructura ha ditg, dettia quai anc problems cun il nov reservuar. Quel s’empleneschia numnadamain betg sco giavischà.
Ussa stoppian ins installar ulteriuras tschiffadas d’aua per betg avair memia pauc’aua a Ziteil. Paul Schlienger ch’è era il president da la fundaziun Ziteil crai, che l’auter onn avessi uschia betg pli da dar tals problems sco quest onn, perquai ch’il nov reservuar haja pli ditg peda da s’emplenir – quest onn na saja quai betg stà pussaivel perquai ch’il nov reservuar è pir stà a fin avant in mais.
RR actualitad 07:00