Sin la fiera datti differentas maschinas che van cun in accu, per exempel resgias a motor, sega-rievens (trimmer) u segapastgets. Tenor Luzi Carisch, il maina fatschenta da la Garascha Carisch a Savognin, vendia el adina dapli maschinas cun accu.
Ils davos onns sajan quellas adina vegnidas meglras, ed era la prestaziuns dals accus daventia adina pli effizienta. In grond avantatg saja ch'i na dettia naginas emissiuns, che quellas maschinas fetschian pli pauca canera ed era il service custia pli pauc. Dischavantatgs dettia quai paucs, dentant cura ch'i plova saja da dar adatg.