Durant l’entir onn è Hans Wyss sin viadi cun ses char annex, nua ch’el ha endrizzà in lavuratori. Là po el mular tut ils differents cuntels, davent da cuntels da cuschina enfin tar cuntels da segapastgets. Durant la stad è il molacuntels mintgamai tschintg emnas sin viadi tras il Grischun, il rest dal temp lavura el en il chantun Turitg.
A Savognin saja el stà la davosa giada avant 10 onns. Mular cuntels saja ina lavur che fetschia plaschair, ed ins saja adina sin viadi ed emprendia ad enconuscher blera glieud. Gia ses tat e ses bab hajan fatg questa professiun. Igl è in servetsch che vegn apprezià. Sco quai che differentas persunas han ditg, saja in grond basegn da pudair dar ils cuntels da glimar.
Anfang Bildergalerie
Bildergalerie überspringen
-
Bild 1 von 4. Hans Wyss gizza ina cuntgadella. Bildquelle: RTR, Federico Belotti.
-
Bild 2 von 4. En quest char annex fa Hans Wyss sia lavur. Bildquelle: RTR, Federico Belotti.
-
Bild 3 von 4. Il di da lavur da Hans Wyss è lung. Bildquelle: RTR, Federico Belotti.
-
Bild 4 von 4. Hans Wyss en ses lavuratori, in char annex. Bildquelle: RTR, Federico Belotti.
Ende der Bildergalerie
Zurück zum Anfang der Bildergalerie.
Actualitad 17.00