Il project da l’architect Peter Zumthor na vegn il mument betg realisà. Quai ha l’intendant dal festival da cultura Origen, Giovanni Netzer, ditg envers RTR. Il mument vuless ins sa concentrar sin il lieu da preschentaziun «la clavadeira». Il chastè da Riom resta dentant il cor e lieu da preschentaziun per la stad.
Per Netzer è il project da Zumthor ina idea interessanta, dentant er ina sfida finanziala che duvrass blera energia per realisar. Pir cura ch’ins vesess ina schanza ed il basegn, vegniss fatg ils proxim pass.