Grischun Central - Nova ovra electrica per Spleia

L’ovra idraulica da Spleia producescha actualmain electric en dus lieus. Uschia vegn tschiffada l’aua dal Tambobach (en collavuraziun cun la firma Alpiq) e dal Hüscherabach. Cun quai che l’ovra dal Hüscherabach sto vegnir renovada cun ses 80 onns, datti in project da far ina centrala nova duvrar quella cuminaivlamain per il Hüscherabach e da nov era il Stutzbach.

Vischnanca ha gia approvà concessiun

Il 2014 ha la radunanza communala gia approvà la concessiun dal dretg da las auas, ina particiapziun da la vischnanca da 40% (1.6 milliuns francs) vi d’ina nova societad d’aczias che duai anc vegnir fundada, quai cun participaziun da la firma Alpiq. La vischnanca quinta cun entradas annualas da 300’000 francs ed in pajament unic da 135’000 francs. Tenor Norman Gadient vegnia il project mo realisà, sch’i dettia daners or dal program KEV/ICF, l’indemnisaziun per cuvrir ils custs da la furniziun d’electricitad. En il meglier cas, possian las lavurs da construcziun cumenzar l’onn 2017, ha ditg Norman Gadient. Cun la realisaziun dal project, pudess Spleia producir 17.4 milliuns uras kilowatt at onn (ca. 4’000 chasadas), oz èn quai 8.2 uras kilowatt.