Legenda:
Martin Hilfiker, il directur dal project Parc Adula, ha mussà a Tusaun ils projects dal 2016-2019.
RTR, F. Belotti
cuntegn
Grischun Central - Parc Adula vul investir 15,4 milliuns ils proxims 4 onns
Il project Parc Adula ha preschentà a Tusaun il budget per ils onns 2016-2019, ch’el ha inoltrà a la Confederaziun. El prevesa investiziuns da 15,4 milliuns francs. Ils custs vegnan repartids sin la confederaziun (60%), ils chantuns Grischun e Tessin (20%) e vischnancas, regiuns e sponsurs (20%).
Cun ina resposta da la Confederaziun saja da quintar anc quest onn, ha ditg Martin Hilfiker, il directur dal project Parc Adula. Sco el ha ditg plinavant, vegnian la charta ed il contract dal parc tramess quest atun al suveran da las 17 vischnancas pertutgadas. Quellas ston lura decider sch’ellas vulan il parc u betg. Las votaziuns succedan l’auter onn.
Il parc che vegn a porscher 18 plazzas da lavur cumplainas, duai ir en vigur l’onn 2018. Enfin oz ha il project Parc Adula gia inizià e sustegnì dapli che 80 projects.
