Legenda:
20 pumpiers da la Tumleastga èn stads en acziun –
ed han pudì stizzar il fieu aifer in'ura e mez.
Keystone
cuntegn
Grischun Central - Pasqual: Sauna pli chauda che prevesì
A Pasqual (Paspels) è rut ora la notg da sonda sin dumengia in fieu en ina chasa da sauna. Il donn saja considerabel – persunas na sajan dentant vegnidas feridas naginas, scriva la Polizia chantunala en ina communicaziun a las medias.
Il surchombras saja ars dal tut, persunas feridas n'haja quai dà naginas. Sco quai che la polizia chantunala communitgescha è l'alarm arrivà la damaun curt avant las sis.
Ils pumpiers da la Tumleastga èn stads en acziun cun 20 persunas ed han pudì stizzar il fieu aifer in'ura e mez. Il donn è considerabel. Il motiv da l'incendi vegnia anc sclerì, concluda la polizia sia communicaziun.
