Legenda:
Ellas vulan surdar l'organisaziun dal pass da vacanzas en novs mauns, da san.: Daniela Patt, Doris Lopes, Maren Völkers, Elvira Cadosch, Natalia Schena, Nelly Gubser, Miriam Muhmenthaler. Barblina Arpagaus mantga sin la foto.
RTR, Federico Belotti
cuntegn
Grischun Central - Pass da vacanzas Alvra duai cuntinuar
Ditg han las otg mammas ch’organiseschan il pass da vacanzas per ils uffants da la Val d’Alvra tschertgà successuras, ma senza success. Ad in’occurrenza d’infurmaziun organisada dal Parc Ela èn trais mammas da Lantsch ussa sa mussadas prontas, d'organisar il pass da vacanzas da l’auter onn.
Ussa vulan las trais mammas da Lantsch tschertgar anc ulteriuras persunas che gidan ad organisar las occurrenzas dal pass da vacanzas da l’auter onn. Sustegn survegnan ellas era da l’uniun Parc Ela. «Sch’i dat chaussas che nus pudain gidar, per exempel chaussas administrativas, alura essans nus averts per collavurar cun las organisaturas dal pass da vacanzas», ha ditg Otmar Graf dal Parc Ela. Sustegnidas vegnan las novas organisaturas dal pass da vacanzas l’emprim onn anc d’intginas dunnas da l’anteriur comité d’organisaziun.
Legenda:
Sch'i vegn era l'auter onn a dar in cudeschet da las occurrenzas u mo ina versiun digitala n'è betg anc cler.
RTR, Federico Belotti
