Legenda:
Vendelin Coray, il president da l'Uniun da Mastirants e commers Surses (sanester) e Tona Poltera, il moderatur da la saira.
RTR, F. Belotti
cuntegn
Grischun Central - Passa 1'000 visitaders a la festa “Savognin 2020”
L’Uniun da mastirants e commers Surses (HGV) ha organisà ina gronda festa la sonda saira en connex cun il project “Savognin 2020”. La sonda saira ha l’Uniun preschentà ils detagls da ses project.
Legenda:
La fabrica Bajegiar ed Energia a Savognin è stada fullanada.
RTR, F. Belotti
L’Uniun da masitrants e commers Surses vul promover il svilup economic en la regiun da vacanzas da Savognin/Bivio. Sco quai che Vendelin Coray, il president da l’Uniun ha ditg, dovria la regiun in stumpel. Il HGV Surses saja stà memia ditg passiv e veglia ussa promover il svilup economic en la regiun, per generar dapli creaziun da valur.
Plinavant veglian ins pussibilitar in barat tranter ils indigens e giasts e possessurs d’abitaziuns da vacanzas. Quai duai daventar pussibel cun il club “Famiglia Savognin”. L’Uniun da mastirants e commers vul en l’avegnir organisar 2 festas ad onn, nua ch’i duai vegnir infurmà davart il svilup en la regiun. Radund 1/3 da la contribuziun annuala duai vegnir duvrada per la promoziun economica e projects, il rest per ils 2 eveniments annuals. Enfin ussa ha il club gia radund 600 commembers.
Legenda:
Tar differents stans hai dà differentas spezialitads da la regiun, sco per exempel la pulenta tar Giancarlo Torriani, l'ustier dal Hotel Solaria a Bivio.
RTR, F. Belotti
