Legenda:
Discussiun da podi: Il deputà dal cussegl grond Ilario Bondolfi en il discurs da cumbat cun l'iniziant da l'iniziativa da linguas estras Luzi Jöri.
RTR, Federico Belotti
cuntegn
Grischun Central - PCD grischuna ha decidì parolas
Cun 37 vuschs gea e 12 vuschs na tar 6 abstenziuns han ils delegads da la Partida cristiandemocratica svizra dal Grischun decidì la parola, da refusar l’iniziativa che vul mo ina lingua estra en scola primara. La votaziun è ils 23 da settember.
A la radunanza da delegads a Salouf da mardi saira èn vegnidas decididas ulteriuras parolas. Uschia refusan ils delegads da la PCD omaduas votaziuns federalas, numnadamain l’iniziativa da fair-food, sco era l’iniziativa per la suveranitad alimentara. Il conclus federal davart las vias da velo vegn beneventà da la suprastanza da la partida, ch’ha infurmà davart la parola da dir gea tar questa votaziun.
