Legenda:
La fatschenta da stad e cun ciclists è creschida fitg bain tar las pendicularas Lai.
Keystone
cuntegn
Grischun Central - Pendicularas Lai cun dapli svieuta
Las Pendicularas Lai SA han pudì augmentar la svieuta l'enviern passà per 0,7% sin passa 23,2 milliuns francs cumpareglià cun l'onn avant. Quai malgrà che las emprimas entradas èn sa sminuidas sin 726'000. Il gudogn è sa reducì per passa 10% sin 9,9 milliuns francs.
Il president dal cussegl d'administraziun, Christoph Suenderhauf, vesa il svilup cun optimissem, era sche las entradas èn sa reducidas. L'enviern 2013/2014 ha Arosa Lai pudì augmentar las entradas pervi da la colliaziun dals territoris. Ina gronda part da quest augment hajan ins pudì tegnair, scriva Suenderhauf en la communicaziun.
La stada han las pendicularas investì radund 20 milliuns francs en l'ennevaziun, il portal Curvalda ed en la nova colliaziun ost-vest.
