Legenda:
Oskar Hugentobler examinescha mintga di differentas plantas.
RTR, Federico Belotti
cuntegn
Grischun Central - Planta demussa stgaudament dal clima
Dapi l’onn 1970 observa Oskar Hugentobler (78) dad Andeer il temp da fluriziun d'ervas e plantas. Fitg bain sa lascha il stgaudament dal clima demussar vi da l’exempel dal chastagner selvadi.
Vis a vis dal hotel Fravi ad Andeer sa chatta in grond chastagner selvadi ch’ha passa 100 onns. Tenor las datas dals onns 1970 fin 1979 fluriva quella planta en media ils 29 d’avrigl. Ils onns 2010 fin 2017 ha la planta flurì en media gia ils 15 d’avrigl. Quai saja in cler indizi ch’il clima sa stgaudia adina dapli, ha ditg Oskar Hugentobler.
Legenda:
Il chastagner selvadi ad Andeer è ina da las pli veglias plantas en vischnanca.
RTR, Federico Belotti
Il selvicultur cirquital pensiunà observa per il mument 26 ervas e plantas. Las datas èn tranter auter impurtantas per Meteo Swiss per il rapport da pollen.
