-
Bild 1 von 5Legenda: Quai vegn installada ina da las grondas tendas dal festival, davos è da vesair il Piz Mitgel ed il Corn da Tinizong. RTR, F. Belotti
-
Bild 2 von 5Legenda: Anc datti bler da far per ils organisaturs. RTR, F. Belotti
-
Bild 3 von 5Legenda: La festa ha lieu sin il territori da la vischnanca Mulegns. RTR, F. Belotti
-
Bild 4 von 5Legenda: Vista da surengiu sin la plazza da festa. RTR, F. Belotti
-
Bild 5 von 5Legenda: Corinne Rageth, l'inizianta principala dal Summer Never Ends Festival ha gia gronda experientscha cun il festival. RTR, F. Belotti
Actualmain vegnan installadas sin la planira da Rona sin il territori dals Mulegns tut las tendas e tribunas per il festival. «Per il festival avain nus in preventiv da dus milliuns francs», ha ditg Corinne Rageth, la pledadra da l’Uniun Klangwerk.
Organisaturs quintan cun dapli
L’emprim festival cun musica sin la planira da Rona è stà il 2006, mintg’onn haja il festival dumbrà dapli aspectaturas ed aspectaturs. Tar la davosa ediziun dal 2013 hai gì 9’000 ch’han visità il festival, e quest onn quintan ils organisaturs cun 11’000 – 12’000 visitaders.
Il festival ha lieu mintga dus onns. Quai haja da far cun la gronda lavur organisatorica e per schanegiar il terren, ha ditg Corinne Rageth. En tut occupa il Summer Never Ends Festival ina surfatscha da prest 30 hectaras ch’èn en possess da 15 differents purs. Per il festival lavuran radund 600 persunas, per gronda part voluntaris, e circa 400 musicists.