Suenter in temp da construcziun da nov mais po vegnir avert il nov edifizi da vendita e d'elavuraziun. Il bajetg dispona da 4'300 meters quadrat surfatscha da niz en serras. Quellas cunfineschan da trais varts cun l'edifizi e porschan plazs da lavur a 20 praschuniers da l'execuziun averta.
En las serras vegnan cultivads legums e plantas d'iert. La racolta vegn duvrada tant per alimentar ils praschuniers sco er per la vendita directa a la populaziun da la regiun.
-
Bild 1 von 8. Da san: Markus Dünner, Christian Rathgeb, Mario Cavigelli, Mathias Fässler e Jürg Räber. Bildquelle: RTR, Federico Belotti.
-
Bild 2 von 8. Las lavurs da construcziun da la nova orticultura han cuzzà nov mais. Bildquelle: RTR, Federico Belotti.
-
Bild 3 von 8. En ina butia vegnan ils products da l'orticultura vendids. Bildquelle: RTR, Federico Belotti.
-
Bild 4 von 8. Differents products vegnan vendids en l'orticultura. Bildquelle: RTR, Federico Belotti.
-
Bild 5 von 8. Qua vegn salvada l'aua da la plievgia per l'orticultura. Bildquelle: RTR, Federico Belotti.
-
Bild 6 von 8. L'architect chantunal Markus Dünner (a dr.) declera ils plans da la nov'orticultura al cusseglier guvernativ Christian Rathgeb. Bildquelle: RTR, Federico Belotti.
-
Bild 7 von 8. La nova orticultura è en funcziun. Bildquelle: RTR, Federico Belotti.
-
Bild 8 von 8. L'orticultura è en funcziun, la praschun nova è anc en construcziun. Bildquelle: RTR, Federico Belotti.
La construcziun da la nova parschun permettia da realisar in project da construcziun d'impurtanza per l'economia regiunala, scriva il chantun en sia communicaziun. Il nov stabiliment porschia 152 plazzas per praschuniers e 80 plazzas da lavur supplementaras en la regiun da la Mantogna/Tumleastga.
RR novitads 10:00