Grischun Central - Praschun Realta - ina construcziun delicata
Durant l’entir temp da construcziun da la nova praschun da Realta, lavuran circa 400 persunas per quel bajetg. Da tuttas persunas vegn pretendì in extract or dal register penal e l’empermischiun, da betg tradir detagls davart il bajetg.
En ils 119 milliuns francs ch’il bajetg custa èn integrads era las mesiras da segirtad. Il persunal che lavura sin il bajetg sco era en la planisaziun sto esser fidà. Enfin ussa han ins stuì refusar a 10 persunas pertge ch’ellas n’han betg ademplì ils criteris minimals. Cun quai vul ins evitar che detagls davart il sistem da segirezza sa derasian e ch’i na reusseschia a nagins praschuniers da fugir.
Legenda:
Construcziun top secreta: Nagin dastga tradir detagls davart il bajetg.
RTR
