Legenda:
Blers purs èn vegnids ad Alvagni per emprender a sauar endretg.
RTR, F. Belotti
cuntegn
Grischun Central - Purs emprendan a sauar endretg
En differentas parts dal Parc Ela vegn sauà. Ch’ins sa sbagliar bler cun sauar, han emprendì purs da l’entir Grischun ad in curs ch’è vegnì fatg ad Alvagni dal Plantahof en collavuraziun cun il Parc Ela.
«Betg tut ils purs èn infurmads, tge pussaivladads ch’i dat da sauar ils prads», ha ditg Batist Spinatsch, cussegliader agricul dal Plantahof. I saja impurtant da mussar als purs, co che las lavurs da sauar vegnan fatgas endretg, gist ussa ch’il clima sa midia.Sauar daventia en il futur adina pli impurtant.
Legenda:
Uschia vesa ora in indrezs da sauar modern.
RTR, F. Belotti
Al curs è tranter auter vegnì fatg attent, che sch’in pur sprizza memia bler’aua sin in prà, alura possia il prà vegnir lavà ora – e sch’i vegnia sauà memia pauc, alura na cuntanscha l’aua betg las ragischs da l’erva ed il sauar na
