Grischun Central - Reavertura da la chascharia Savognin
A Savognin vegn proximamain puspè producì chaschiel. La chascharia da Savognin ch’è serrada dapi dus onns vegn puspè averta ils 3 da december. 1,5 milliuns francs èn vegnids investids en la modernisaziun e la digitalisaziun da la chascharia.
1 / 3
Legenda:
Da san.: Luzi Steier, president Chascharia Savognin e conturn; Gion Plaz, mainafatschenta butia da chaschiel, Astrid Vetsch, vendadra e partenaria dal signun, Patrick Heer, signun.
RTR, Federico Belotti
2 / 3
Legenda:
Las davosas lavurs vegnan fatgas en la chascharia renovada.
RTR, Federico Belotti
3 / 3
Legenda:
En quest tschaler da chaschiels vegn bainspert puspè vita.
RTR, Federico Belotti
Sco quai che Luzi Steier, il president da la societad dals purs chascharia Savognin e conturn ha ditg, veglian ins entschaiver l’emprim onn ad elavurar radund in milliun liters latg u 100 tonnas chaschiel ad onn. Pli tard veglian ins augmentar la producziun, sch’ils affars marschian bain, uschia Steier.
audio
Bunura: Savognin – Reavertura chascharia
02:39 min, ord Actualitad dals 29.11.2018.
laschar ir. Durada: 2 minutas 39 Secundas.
Tut il latg che vegn elavurà è latg da fain senza pavel da silo. Products cun il label da bio na vegni però betg pli a dar. Ils products da latg e chaschiel pon ins cumprar en la butia ch’è en il medem bajetg sco la chascharia.
Per la vendita en affars pli gronds ha la societad dals purs gia chattà in partenari, cumpraders pli gronds n’èn per il mument dentant betg anc avant maun.