Il schoc è stà grond ils 14 da december, cura che la Landi a Tusaun è daventada unfrenda d'in incendi. In emprendist da la filiala ha mess il fieu. «Cletg en il discletg avain nus gì cun avair naginas persunas blessadas grevamain e mo in donn da material» recapitulescha Joachim Kirchler quel grev temp per el e ses persunal.
Reavertura planisada il 2018
«Ils plans èn sin maisa e la reavertura è planisada per la fin da l'onn» spera Kirchler. Il mument èn inoltradas las dumondas da construcziun. La nova Landi vegn ad esser pli u main identica a la veglia.
Enfin ch'ins sa retrair las novas localitads vegni a dar in provisori da containers per la butia da tancadi. Per porscher ils ulteriurs products sa vegnir fittà ina halla vida en la zona d'industria a l'ur da Tusaun. Sin ina surfatscha da 700 meters quadrat, che correspunda ad in terz da la surfatscha da la filiala brischada vegn la clientella a chattar a partir da mars ils products ils pli dumandads, resumescha Kirchler il proxim futur. A Tusaun fa la Landi ina svieuta da 15 milliuns francs per onn.
-
Bild 1 von 5. En la halla vida en la zona d'industria vegn il provisori da la Landi Tusaun. Bildquelle: RTR, Tona Poltera.
-
Bild 2 von 5. Las restanzas da la Landi Tusaun. Bildquelle: RTR, Tona Poltera.
-
Bild 3 von 5. La nova Landi vegn al medem lieu. Bildquelle: RTR, Tona Poltera.
-
Bild 4 von 5. Las restanzas dal fieu en la Landi Tusaun. Bildquelle: RTR, Tona Poltera.
-
Bild 5 von 5. La devastaziun è totala. Bildquelle: RTR, Tona Poltera.
RR actualitad 17:00