-
Bild 1 von 6. Ina chasa è accessibla l'enviern proxim, l'autra la primavaira. Bildquelle: RTR, Federico Belotti.
-
Bild 2 von 6. Vista en direcziun dal Center da Sanadad Savognin. Bildquelle: RTR, Federico Belotti.
-
Bild 3 von 6. La cronstrucziun criva dad ina chasa è gia a fin. Bildquelle: RTR, Federico Belotti.
-
Bild 4 von 6. Vista sin il balcun en ina gronda abitaziun da 3,5 stanzas. Bildquelle: RTR, Federico Belotti.
-
Bild 5 von 6. La vista dad ina abitaziun davent dal balcun. Bildquelle: RTR, Federico Belotti.
-
Bild 6 von 6. Clemens Poltera dal Center da sanadad declera ils detagls a las radund 70 persunas ch'èn vegnidas a l'infurmaziun da sonda. Bildquelle: RTR, Federico Belotti.
Sco quai che Clemens Poltera, il president dal cussegl d’administraziun, ha ditg envers RTR saja fitg allegraivel, che l’interess per las abitaziuns saja gia uschè grond. Enfin ussa ins haja reservà tschintg abitaziuns en la chasa sid, ch’è finida sin l’emprim december da quest onn, e set reservaziuns en la chasa nord, ch’è accessibla a partir dal matg 2019.
Las duas novas chasas vegnan colliadas sur in tunnel ed in ascensur cun il Center da sanadad, uschia ch’igl è pussaivel da cuntanscher in medi senza ir ora en il liber. Las abitaziuns datti en las grondezzas da 2,5 e 3,5 chombras. Tuttas èn accessiblas era cun la sutga da rodas. Abitaziuns datti a partir da 1’290 francs enfin 1'570 francs il mais (senza custs accessorics).
I manca anc in mez milliun
Ils custs per construir las 24 abitaziuns muntan a 10’200’000 francs. Dus milliuns finanziescha il Center da Sanadad Savognin SA cun agens meds e 7’800’000 francs cun credits da bancas. 500’000 francs duessan vegnir finanziads entras donaziuns. Sche quella summa na vegn betg cuntanschida, alura sto vegnir auzà il credit da las bancas, ha ditg Clemens Poltera.
RR actualitad 07:00