Legenda:
Be per Austriacs –
Savognin sto esser flexibel.
montascha RTR
cuntegn
Grischun Central - Savognin sa prepara per Marcel Hirscher
Marcel Hirscher, il star da skis austriac, duess vegnir a trenar sin las pistas da Savognin. Per la preparaziun dals Austriacs per ils Campiunadis mundialas è dumandada gronda flexibladad da las pendicularas Savognin.
Legenda:
Las pistas da Savognin èn prontas per Marcel Hirscher.
MAD
Vegnan els u na vegnan els betg? E sche gea, cura? Questas dumondas fatschentan il mument il directur da las pendicularas Savognin, Christian Prinz, il pli fitg: «Cler è, che Marcel Hirscher ed ils collegas da las disciplinas tecnicas vegnan a trenar a Savognin. Nus na savain dentant betg cura».
Uschia stoppian els esser flexibels. Quai na saja dentant nagin problem, cunquai ch'i dovra be pauc per serrar ina part da la pista, quinta Prinz enavant. El fa quint, che Hirscher sa mussa en il decurs da l'emna proxima. Enfin uss han trais dunnas trenà a Savognin – tranter ellas Michaela Kirchgasser, la campiunessa mundiala da Vail da l'event da team.
Legenda:
Ellas trais han gia trenà a Savognin –
tranter ellas Michaela Kirchgasser (san).
MAD
