La fiera è sco ils ultims onns vegnida organisada da l’Uniun da mastergnants e commerzi Surses. Era quest onn hai dà in program vast cun bleras attracziuns per ils uffants. Uschia tranter auter ina show dals pumpiers, ina paraid da raiver ed era Elvis, il bov da Giatgen Arpagaus è er puspè stà preschent.
Tar la baselgia da son Mitgel han sunà a las tschintg il Brass-Ensemble Piz Martegnas, ed a las otg la saira la Musica Instrumentala da Savognin. Lung da la Scuntrada hai dà differentas bars ch’han avert enfin las duas la notg. Ils organisaturs han quintà cun enfin 2'000 visitadras e visitaders. Per la davosa giada preschent cun in stan è stà Pietro Peduzzi da la mazlaria Peduzzi a Savognin. La primavaira va el en pensiun.
-
Bild 1 von 9. Elvis na po betg mancar a la Scuntrada. Bildquelle: RTR, Federico Belotti.
-
Bild 2 von 9. Per la mazlaria Peduzzi pudessi esser la davosa Scuntrada. Bildquelle: RTR, Federico Belotti.
-
Bild 3 von 9. Nagin sto patir said, malgrà las temperaturas fitg autas. Bildquelle: RTR, Federico Belotti.
-
Bild 4 von 9. In surrir na fa betg mal. Bildquelle: RTR, Federico Belotti.
-
Bild 5 von 9. Blera glieud è arrivada a la Scuntrada. Bildquelle: RTR, Federico Belotti.
-
Bild 6 von 9. Ils pumpiers èn preschents cun lur pli novs vehichels. Bildquelle: RTR, Federico Belotti.
-
Bild 7 von 9. Ina mattatscha emprova da stizzar in fieu. Bildquelle: RTR, Federico Belotti.
-
Bild 8 von 9. Malgrà temperaturas autas hai gia il suentermezdi blera glieud. Bildquelle: RTR, Federico Belotti.
-
Bild 9 von 9. Tut è pront per la 32avla Scuntrada, che cumenza a partir da l'ina il suentermezdi. Bildquelle: RTR, Federico Belotti.
Ord l'archiv
RR actualitad 17:00