Grischun Central - Senda enferrada Piz Mitgel è serrada
La senda enferrada verticala vers il Piz Mitgel a Savognin è serrada. Sco quai ch’il guid da muntogna Geni Ballat ha ditg, haja el constatà ina fessa en la muntogna che vegnia adina pli gronda. I saja da quintar che plirs milli meters cubics grip pudessan sa distatgar e destruir la senda enferrada.
Pervi dal privel memia grond per ils alpinists resta la senda enferrada probabel serrada l’entira stad, magari era per plirs onns. La ruta alternativa vers il Piz Mitgel, la senda diagonala e la senda finala, restan vinavant avertas.
audio
Mezdi: Senda enferrada Piz Mitgel è serrada
02:38 min, ord Actualitad dals 29.06.2017.
laschar ir. Durada: 2 minutas 38 Secundas.
Autra senda enferrada?
Tenor Geni Ballat ins saja il mument vi dal tschertgar in lieu per in’autra senda enferrada en il Surses, enfin ussa ins n’haja però anc chattà nagin lieu adattà.
1 / 7
Legenda:
Questa fessa daventa adina pli gronda.
mad, Geni Ballat
2 / 7
Legenda:
La ruta blaua è serrada.
mad
3 / 7
Legenda:
Il Piz Mitgel è vinavant accessibel sur la senda diagonala.
RTR, Federico Belotti
4 / 7
Legenda:
Tranter las duas plantas è da vesair la senda diagonala vers il Piz Mitgel.
RTR, Federico Belotti
5 / 7
Legenda:
Geni Ballat ha realisà la senda enferrada sin il Piz Mitgel avant 12 onns.
RTR, Federico Belotti
6 / 7
Legenda:
La senda enferrada vers il Piz Mitgel.
mad, Geni Ballat
7 / 7
Legenda:
La ruta la pli spectaculara, la senda verticala è serrada.
RTR, Federico Belotti
Ord l'archiv
02:23
video
Telesguard 22.06.2005 - Construcziun via ferrata Piz Mitgel