-
Bild 1 von 3. Il signun e la signuna Martin «Floh» e Maria Bienerth. Bildquelle: RTR, Federico Belotti.
-
Bild 2 von 3. La stiziun è en quest provisori per ils proxims mais. Bildquelle: RTR, Federico Belotti.
-
Bild 3 von 3. La part davos da la sennaria existenta vegn engrondida. Bildquelle: RTR, Federico Belotti.
Gia l’onn passà ha la cooperativa da latg Andeer cumprà il bajetg da la vischnanca. La renovaziun da la sennaria vegn sustegnida cun l’agid dal maun public, chantun e confederaziun pajan 35% dals custs. Vitiers vegnan daners d’ina ipoteca, 15% paja la vischnanca d’Andeer ed agens meds dals purs sco era in emprest dals fittadins da la chascharia. Ulteriuras contribuziuns datti da l’Agid per la muntogna Svizra (10%), la societad cooperativa «Vereinigte Milchbauern Mitte Ost», da la fundaziun per il mantegniment da manaschis da famiglia da purs, sco era da la Corporaziun Val Schons.
Butia da chaschiel en provisori
La renovaziun da la chascharia duess esser a fin anc avant Nadal. Durant ils mais da stad ed atun vegn il chaschiel d’Andeer fatg en la chascharia da Spleia. Ad Andeer datti enfin che la nova butia da chaschiel è averta in provisori en la chasa vis a vis.
RR actualitad 12:00