La localitad ideala per in center d'asil n'exista betg, di Salome Mathys da l'Uffizi da migraziun. La responsabla per collocaziun ed assistenza aschunta dentant er che l'anteriur hotel Pratigiana a Spleia vegn damanaivel da l'ideal. En cumparegliaziun cun autras midadas d'utilisaziun ins haja a Spleia stuì investir «mo 400'000 francs», uschia Mathys. In quart dals custs haja il possessur surpiglià.
Il chantun ha l'opziun da prolungar il contract da locaziun suenter 5 onns per ulteriurs 5 onns. Il pli char saja prest adina l'adattaziun dal bajetg a las prescripziuns da la polizia da fieu. Quai stoppia vegnir fatg tar mintga midada d'intent d'in bajetg, explitgescha Mathys.
-
Bild 1 von 2. Salome Mathys da l'Uffizi da migraziun è la manadra dal ressort collocaziun ed assistenza. Bildquelle: Tona Poltera.
-
Bild 2 von 2. Reglas cleras en tut ils centers d'asil. Bildquelle: Tona Poltera.
Plazza per 120 requirents - dentant occupà da 80
Il center Pratigiana a l'ur da Spleia porscha plazza per 120 requirents d'asil. Tenor Salome Mathys ha l'Uffizi da migraziun dentant l'intent d'occupar il center be cun 80 requirents d'asil. «Quai vegnan ad esser surtut persunas singulas, famiglias senza uffants da scola» ha ditg Mathys sin dumonda.
RR actualitad 11:00