Legenda:
Era Parsonz (sanester) e Cunter (davos) fan part a la nova vischnanca Surses.
RTR, F. Belotti
cuntegn
Grischun Central - Suprastanza transitorica da Surses è furmada
En connex cun la fusiun planisada en Surses è vegnida furmada la suprastanza transitorica. Quella vegn presidiada da Gian Sonder, il president communal da Salouf. Or da mintg’ina da las 9 vischnancas actualas è vegnida elegida ina persuna en suprastanza transitorica.
A Bivio è vegnì elegì Bruno Salis, en las autras 8 vischnancas è mintgamai il president actual il represchentant en la suprastanza transitorica.
Legenda:
Gian Sonder, il president da la suprastanza transitorica Surses.
RTR, F. Belotti
Pensum da lavur dal president communal vegn definì
Sco quai che Gian Sonder ha ditg, vegnia proximamain definì il pensum da lavur dal president communal da Surses, sco era dals 5 posts en suprastanza. In dals proxims pass en connex cun la fusiun saja d’elavurar ina constituziun per la nova vischnanca. Sch’il Cussegl grond approvescha la fusiun, duess quella ir en vigur sin l’emprim da schaner 2016.
