-
Bild 1 von 6. Ivan Brenn il president dal CBS mussa il nov pastget sintetic. Bildquelle: RTR, Federico Belotti.
-
Bild 2 von 6. 10% dal pastg è artifizial (maletg), e 90% dal pastg nov è natiral. Bildquelle: RTR, Federico Belotti.
-
Bild 3 von 6. La plazza da ballape ha survegnì ina tualetta ch'è accessibla per persunas cun in impediment. Bildquelle: RTR, Federico Belotti.
-
Bild 4 von 6. Durant la stad è quest roboter en acziun prest mintga dis, mo duas giadas al mais vegn il pastg taglià cun maschinas che piglian si il tschispet. Bildquelle: RTR, Federico Belotti.
-
Bild 5 von 6. Anc quest onn van a fin las lavurs per ils indrizs sanitars. Bildquelle: RTR, Federico Belotti.
-
Bild 6 von 6. Il pastg da 35 onns è vegnì remplazzà entras in nov. Bildquelle: RTR, Federico Belotti.
Sco quai che Ivan Brenn, il president dal CBS ha ditg, saja il nov pastg pli resistent ed ins possia cumenzar pli baud a giugar la primavaira e suenter ch’igl haja pluvì. Dasper il nov pastg datti er novs indrizs sanitars ch’èn accessibels per sutgas cun rodas. Quellas lavurs vegnan terminadas anc quest atun. Renovadas èn er vegnidas las lingias d'aua, las glischs da la plazza sco er las saivs.
Investì dapli ch'in mez milliun francs
Ils custs totals per la sanaziun da la plazza da ballape a Tinizong han muntan a 650’000 francs. Da questa summa èn 465’000 francs vegnids investids en il nov pastg.
Vi da l’entira renovaziun paja la vischnanca da Surses ina contribuziun unica à fonds perdu da 150’000 francs. Plinavant ha la vischnanca concedì in credit d’investiziun senza tschains cun ina durada da 30 onns. Il chantun sa participescha cun 100’000 francs or dal fondo da sport e per il CBS restan 50’000 francs. Da l'ultima summa èn vegnids rimnads radund 20’000 francs en in’acziun da «Crowdfunding», ch’è ida a fin avant curt.
RR Total local 11:45