Siglir tar il cuntegn
rulotta cun donns da la vart.
Legenda: Daco ch'in vehichel da furniziun è charrà en questa rulotta n'è anc betg enconuschent. MAD, Polizia chantunala

Grischun Central Tunnel Viamala da la A13 è stà serrà

Suenter in accident è il tunnel Viamala stà serrà per pliras uras. Tar l'accident è ina persuna vegnida blessada levamain.

In auto da furniziun saja vegnì sin il vial oppost e collidà da la vart cun ina auto-rulotta, scriva la Polizia chantunala. La manischunza da la rulotta è stada serrada en ed ha stuì vegnir deliberada da l'agid stradal. Ella è vegnida transportada cun blessuras levas en l'ospital a Tusaun.

A13 serrada

Pervi da l'accident è l'autostrada tranter Tusaun e Ziràn stada serrada per radund trais uras. Il traffic è vegnì svià sin la via chantunala. Il traffic grev en direcziun sid ha stuì spetgar.

RR novitads 15:00

Artitgels legids il pli savens