-
Bild 1 von 5. La scolasta da skis Ruth Pool da Savognin ensemen cun sia classa. Bildquelle: RTR, Federico Belotti.
-
Bild 2 von 5. Il tarpun magic a La Nars. Bildquelle: RTR, Federico Belotti.
-
Bild 3 von 5. Otmar Netzer, il manader da la scola da skis a Savognin. Bildquelle: RTR, Federico Belotti.
-
Bild 4 von 5. Ils uffants na teman betg da la fradaglia. Bildquelle: RTR, Federico Belotti.
-
Bild 5 von 5. Il paradis dad ir cun skis da La Nars. Bildquelle: RTR, Federico Belotti.
Sco quai che Otmar Netzer, il manader da la scola da skis da Savognin ha ditg, haja mo ina persuna privata annullà la scola da skis pervi dal fraid. Il glindesdi saja stà anc pli fraid cun temperaturas umidas, il mardi saja grazia a pauc vent e sulegl daventà pli empernaivel. Quest’emna èn radund 160 uffants sin pista a La Nars a Savognin.
Mesiras cunter il fraid
La scolasta da skis Ruth Pool ha ditg, ch’ins giaja dapli cun skis ed ins fetschia pli paucas pausas, cura ch’i saja fitg fraid. I saja simplamain da guardar ch’ils uffants sajan adina en moviment. Natiralmain dettia quai era dapli pausas en la tenda da tipi, nua ch’ils uffants han bavì dapli té. Per ils uffants na saja la fradaglia en general nagin problem, ozendi saja la vestgadira era meglra ch’anc avant 30 onns.
Fradaglias era en il territori da skis Corviglia-Marguns-Piz Nair
Sin il Piz Nair han ins oz mesirà -26 grads. Tuttina èsi glieud sin skis, dentant paran las ustarias en questas fradaglias pli bain emplenidas che uschiglio. Nagins problems cun il fraid n'ha la tecnica. Noss reporter Georg Luzzi ha discurrì cun Christian Rütimann, in dals manaders da la tecnica.
Per ils collavuraturs dal salvament munta il fraid dentant ch'els ston lavurar pli svelt, per ch'ils pazients vegnian spert en il chaud. Georg Luzzi ha discurrì cun il schef dal salvament Linard Godly.
RR actualitad 11:00