Grischun Central - Vegn il Prix Montagne en il Grischun?
Oz vegn surdà il Prix Montagne a Berna. Tar ils sis nominads èn era duas interpresas dal Grischun: La Conditoria da Sedrun ed il Quadrin da la firma Uffer da Savognin.
La giuria sut il timun da Bernhard Russi ha nominà en tut sis projects da regiuns muntagnardas per il premi dotà cun 40'000 francs. Annunzias han els survegnì per en tut 49 projects. Il premi vegn surdà dapi l’onn 2011 da la gruppa svizra per las regiuns da muntogna. Quai per projects che promovan lavur e creeschan valur en la muntogna.
audio
Bunura: Prix Montagne: La Conditoria Sedrun (Reto Schmid)
03:37 min, ord Actualitad dals 05.09.2018.
laschar ir. Durada: 3 minutas 37 Secundas.
audio
Bunura: Prix Montagne: Quadrin Savognin (Enrico Uffer)
02:54 min, ord Actualitad dals 05.09.2018.
laschar ir. Durada: 2 minutas 54 Secundas.
Per l’emprima giada vegn quest onn era surdà il premi dal public. Quel è dotà cun 20'000 francs. Sur l’internet èsi stà pussaivel da vuschar per ses favurit.