Legenda:
La via dal Güglia (cotschen, da vart dretga) da Tusaun a Silvaplauna pudess daventar ina via naziunala.
UVEK/DATEC Departament federal per ambient, traffic, energia e communicaziun
cuntegn
Grischun Central - Via dal Güglia pudess daventar via naziunala
Sch’il suveran approvescha ils 12 da favrer il fond per las vias naziunalas ed il traffic d’aglomeraziun, alura daventa la via dal Güglia il 2020 ina via naziunala.
Sco quai ch’il cusseglier guvernativ e schef dal departament da traffic dal Grischun Mario Cavigelli ha ditg envers RTR, profitass il chantun da la midada da possess da la via dal Güglia. Dir exact quants daners ch’ins spargnass cun la midada saja grev.
Las schanzas da realisar ils differents projects da sviaments en il Surses daventassan dentant pli grondas, sche la Confederaziun fiss la possessura da la via. Il pli grond saja il basegns d’agir a Beiva. Quai hajan ins gia discutà cun la Confederaziun.
