Betg mo en Val Bregaglia ha la ferma plievgia chaschunà donns ed impediments:
La via H13 en Val Schons è averta davent da mesanotg da venderdi sin sonda
Er sin la via chantunala tranter Tusaun e Ziràn e tranter Andeer e Sufers è crudada giu crappa il venderdi la bun'ura. La via è stada serrada durant il di. Sco la polizia chantunala ha annunzià vegn
Collavuraturs da l’Uffizi da construcziun bassa sajan a tuts dus lieus per evaluar la situaziun. La polizia cusseglia da sviar sur l’autostrada A13.
Via da S-charl serrada
En l'Engiadina Bassa è vegnida serrada la via da S-charl. Quai conferma la vischnanca da Scuol sin dumonda da RTR. Er sin dumonda da RTR conferma ella, che la via resta serrada fin la sonda a bun'ura.
Interrupziun da la forza en il Partenz ed a Landquart
En il Partenz han ferms urizis causà il venderdi avantmezdi pliras interrupziuns da la forza electrica. Pertutgadas eran tut las regiuns da distribuziun da Saas fin e cun Landquart.
Radund 18'000 da ses clients sajan stads pertutgads, ha scrit la Repower en ina communicaziun a las medias. Suenter 10 enfin 26 minutas saja il problem stà schlià.
RR novitads 12:00