«Ina via stgaudada è ina buna chaussa», di Ernst Rudin, responsabel per il provediment d'aua da Ziràn. Ma i na saja nagin luxus punctuescha el. L'aua da la funtauna chauda Avas sur Ziràn vegn manada en anzas sin ina lunghezza da 20 meters e stgauda uschia la via.
Quest'idea è vegnida realisada gia avant 15 onns cunquai che la via taissa schelava adina puspè e perquai ch'ins aveva gia fatg bunas experientschas cun stgaudar las chasas da Ziràn cun questa funtauna.
La pussaivladad nizzegian passa 90% da las chasadas en vischnanca. In'idea realisada ils onns 1980 a Ziràn. Tgi che bajegia ina chasa po cun questa schliaziun spargnar fin 15'000 francs.