La branscha Grischuna d’autos è cuntenta cun la vendita dad autos novs. Ella saja meglra ch’anc avant in onn, ma anc lunsch davent da las bunas cifras avant la crisa da corona. Quai ha ditg Andri Zisler, il president da l’Uniun professiunala svizra da l’automobil, a la radunanza annuala oz a Cazas.
La vendita d’autos da quest onn è gnanc uschè schleta, il problem è però che nus avain detg lungs temps da spetga, perquai ch’i mancan ils semiconducturs, cun la consequenza che las garaschas na san savens betg quant ditg ch’i va fin che l’auto nov è pront
Zisler quinta, che la situaziun sa megliereschia il pli baud en in onn. La consequenza dals lungs temps da spetga sin in nov auto saja che las garaschas grischunas vendian il mument savens occasiuns pli novas, che autos novs. Tge che marschia fitg bain sajan las garaschas e carossarias grischunas. Quellas sajan bain occupadas, tge che saja fitg cuntentaivel.
Legenda:
A la radunanza da la secziun grischuna da l'Uniun professiunala svizra ha tranter auter debattà sur da l'avegnir cun autos electrics che sajan per part ina gronda sfida.
Federico Belotti
