Siglir tar il cuntegn

Header

audio
Ils garaschists grischuns han fadia d’occupar plazzas e chattar emprendists
Or da Actualitad dals 17.09.2021.
laschar ir. Durada: 03:35 minutas.
cuntegn

Grischun Mancanza da spezialists en la branscha d’autos

Occupar plazzas en garascha daventa adina pli grev. E recrutar emprendistas ed emprendists è tut auter che simpel. Quest onn han entschet 50% pli paucs l’emprendissadi sco mecanista u mecatronist d’automobils. Cun diversas mesiras vul la branscha d’autos far frunt a quest problem.

Sco il manader da fatschenta da la Amag a Cuira Jan Giger ha ditg, haja la branscha d’autos manchentà ils davos onns da far avunda reclama per las plazzas d’emprendissadi. E la lavur da basa en las scolas superiuras stoppia sa meglierar, ed era la reputaziun da la branscha d’autos stoppia vegnir meglra. Las garaschas stoppian plinavant porscher dapli pussaivladads da far in emprendissadi d’emprova, ha Giger ditg.

Gia adina stà difficil

Andri Zisler, il president da la secziun grischuna da l’Uniun professiunala svizra da l’automobil UPSA, ha ditg ch’i saja adina gia stà in pau difficil d’occupar tut las plazzas en ina garascha. La situaziun actuala na saja però betg spaventusa u turmentanta. Ins saja adina sin la tschertga da persunal e las professiuns sajan atgnamain dumandadas. In dals gronds problems saja però che spezialistas e spezialists giajan savens tar firmas d’autras branschas a lavurar, perquai che las pajas sajan là savens meglras.

La branscha è s'inscuntrada a Cazas

Gievgia è stà a Cazas en l’Arena Grischuna il di da las garaschas grischunas. Quai cun las radunanzas generalas da la secziun grischuna da l’Uniun professiunala svizra da l’automobil AGVS, e da la secziun grischuna da la societad dal center da furmaziun da la branscha d’autos, AZ-AGVS. Passa 100 persunas han visità l’occurrenza.

 

RTR actualitad 17:00

Artitgels legids il pli savens

Scrollar a sanestra Scrollar a dretga