Siglir tar il cuntegn
Inhalt

Grischun Central Gronda fortuna sin l'A13

Il venderdi da mezdi èsi vegnì tar in accident tranter Andeer e Sufers. En vischinanza da la colliaziun Avers è ina persuna vegnida blessada.

L'auto da l'um da 52 onns è sa tschentà tort sin la saiv directiva.
Legenda: Vista en direcziun Tusaun POCHA

Sin il vial da surpassar tar la colliaziun Avers sin l'A13 Tusaun – San Bernardino charravan dus automobilists da 52 e 30 onns in davos l'auter. Cura che l'um da 52 onns era bunamain sin l'autezza d'in Canadais da 28 onns ha quel cumenzà cun in surpassament. Il Canadais è lura collidà cun l'automobilist ch'era gia sin quest vial ch'ha lura sa rotà per 180 grads, è collidà cun l'auto davant ed e charrà enavos sin la saiv directiva. L'automobilist da 30 onns n'ha betg pli pudì franar a temp ed è uschia collidà cun il Canadais.

Da tut las quatter persunas involvidas è ina vegnida blessada levamain.
Trais vehichels èn vegnì donnegiads totalmain, il quart considerablamain.