Guaud Magic cun record da visitaders

Il Guaud Magic (Zauberwald) a Lai ha durant il temp da Nadal gì lieu per la tschintgavla giada. Quest'onn hai dà in record da visitaders. En tut hajan 40’000 visitadras e visitaders visità il Guaud Magic, scriva la Lai Marketing e Support SA en ina communicaziun.

Il vitget da tendas è vegnì transferì en l'hotel Schweizerhof a Lai. Bild in Lightbox öffnen.

Legenda da maletgs: Il vitget da tendas è vegnì transferì en l'hotel Schweizerhof a Lai. mad

Er il 2017 hajan ils pli blers visità las installaziuns da glisch dal Guaud Magic durant ils dis suenter Nadal. Ina da las installaziuns ch'ils visitaders han pudì contemplar, ha la scola da Vaz creà. Ils scolars han numnadamain preschentà in vitget da tendas. Dasper las installaziuns hajan er ils concerts cun interprets sco «Dodo» persvadì ils visitaders dal Guaud Magic a Lai.

Cun il Guaud Magic vegn ins era il 2018 a cuntinuar. Las installaziuns en il guaud a Lai pon ins lura visitar dals 14 enfin ils 30 da december.