Güglia - Nagina segunda vita per la tur cotschna da Origen
La tur cotschna dal festival cultural Origen sin il Pass dal Güglia, vegn demontada la fin d’avust dal 2023. Sco quai che Giovanni Netzer, l’indentant d'Origen ha ditg, na saja betg previs da nizzegiar la tur en la medema furma en in auter lieu.
Igl ha dà diversas speculaziuns nua che la tur pudess anc star, nus essan però propi persvadids, igl è ina structura temporara, creada per in lieu, quel mument ch’ella na stat betg pli è ella svanida.
Il material da la tur na duai dentant betg vegnir dismess, la laina ed il vaider da la tur duain vegnir nizzegiads per in auter scopo. Atgnamain avess Origen gì da demontar la tur temporara gia la fin da l’onn passà. Pervi da la crisa da corona ha il chantun Grischun però prolungà la lubientscha per la tur temporara.
