Ursi Hämmerle è la nova commembra da la suprastanza da la vischnanca da Tumleastga. Ella succeda a Marco Valsecchi che ha stuì sa retrair ord motivs da sanadad. Hämmerle ha survegnì 375 vuschs e represchenta en la suprastanza l'anteriura vischnanca Pratval.
Plinavant ha il suveran approvà la revisiun parziala da la constituziun communala. I va per l'artitgel 48 che pretenda da nov ch'almain 3 commembers da la cumissiun da scola ston esser preschents per esser abel da decider. En l'artitgel vegl eri scrit che tut ils 5 commembers ston esser preschents.