Siglir tar il cuntegn

Header

Anc èsi stgir en il hotel Cube a Savognin.
Legenda: Anc èsi stgir en il hotel Cube a Savognin. RTR, Federico Belotti
cuntegn

Hotel Cube Reavertura dal hotel anc quest mais

Sper l'avertura sto il hotel Cube a Savognin er tschertgar in nov directur. Hermann Affenzeller che manava il Cube a Savognin è mort l’entschatta da december da l’onn passà.

Sco quai che Matthias Gotschy, il manader da finanzas dal hotel, ha ditg envers RTR, veglia il hotel Cube puspè avrir la sonda ils 30 da schaner, sche las circumstanzas laschian tiers quai. Enfin ussa n’è l’hotel betg anc stà avert quest enviern. Pertutgant il directori haja l’hotel en vista dus persunas che vegnian en dumonda da surpigliar il directori.

Quai che pertutgia l’ulteriur persunal ch’il hotel dovria, dettia quai avunda candidaturas per ina plazza en l’hotel. Ins vegnia era a porscher ina restauraziun, donn saja simplamain ch’ins na possia betg ospitar glieud che na dormia betg en l’hotel, uschia Gotschy. Gia avert è l’affar da sport Cube Active, nua ch’igl è pussaivel da prender a fit skis e scarsolas.

RTR novitads 17:00

Artitgels legids il pli savens

Scrollar a sanestra Scrollar a dretga